ಲೋಕದರ್ಶನ ವರದಿ

ಉಗರಗೋಳ 01:  ಸವದತ್ತಿ ತಾಲೂಕಿನ ಉಗರಗೋಳ ಗ್ರಾಮದಲ್ಲಿ ಶುಕ್ರವಾರ ರಂದು ಕಾರಹುಣ್ಣಮೆ ಅಂಗವಾಗಿ ಗ್ರಾಮ ದೇವತೆಯಾದ ಧ್ಯಾಮವ್ವ ದುರ್ಗವ್ವ ದೇವಿಯರ ಉಡಿ ತುಂಬುವ ಕಾರ್ಯಕ್ರಮದ ಪ್ರಯುಕ್ತ ಶಕ್ತಿಪ್ರದರ್ಶನ ಉಗರಗೋಳ ಗ್ರಾಮದ ಯುವಕರಿಂದ ಜರುಗಿತು. 

20 ವರ್ಷದ ಕುಮಾರ-ಪ್ರವೀಣ ದುಂಡಿ(ಗೋಸಲ್) 20 ವರ್ಷದ ಕುಮಾರ-ವಿಜಯ ಪಡಸುಣಗಿ, 20 ವರ್ಷದ ಕುಮಾರ-ಕಾರ್ತಿಕ ಕುದರಿ ಹಾಗೂ ಎರಡು ಜೋಡು ಎತ್ತುಗಳು ಸಹ ಇವರೊಂದಿಗೆ ಸಾತ ನೀಡಿದವು. 1 ಕ್ವಿಂಟಲ್ ತೂಕದ ಜೋಳದ ಚೀಲವನ್ನು ಹೊತ್ತು ಯಾರ ಸಹಾಯವಿಲ್ಲದೆಯೇ ದಿಡ ನಮಸ್ಕಾರವನ್ನು ಹಾಕುವ ಜೊತೆಗೆ ಎತ್ತುಗಳು ಸಹ ಅವರು ಹಾಕಿದ ಹಾಗೆ ದೀಡ ನಮಸ್ಕಾರಗಳನ್ನು ಹಾಕಿದವು. 

ಉಗರಗೋಳದ ರಾಯಣ್ಣ ಸರ್ಕಲ್‌ನಿಂದ ಶ್ರೀಬಸವೇಶ್ವರ ಸರ್ಕಲ್ ವರೆಗೆ ಸುಮಾರು ಅರ್ದ ಕಿ ಮೀ ವರೆಗೆ ಸಾಗಿ  ಜಾತ್ರೆಗೆ ಮೆರಗು ತಂದು, ನೋಡುಗರನ್ನು ಹುಬ್ಬೆರಿಸುವಂತೆ ಮಾಡಿದರು. ಉಗರಗೋಳ ನಿರ್ವಾಣೇಶ್ವರಮಠದ ಗುರು ಮಹಾಂತ ಸ್ವಾಮಿಗಳು, ಹಿರೇಕುಂಬಿ ಅಮೋಘಿಮಠದ ಪ.ಪೂ ಮುನಯೈ ಸ್ವಾಮಿಗಳು, ಮಲ್ಲಪ್ಪ ಶಿದ್ದಕ್ಕನವರ, ವಿಠಲ ಶಿದ್ದಕ್ಕನವರ, ಹನಮಂತ ಶಿದ್ದಕ್ಕನವರ, ಮಂಜುನಾಥ ಗುಡೆನ್ನವರ, ಯಲ್ಲಪ್ಪ ದುಂಡಿ, ಮಾರುತಿ ಪಡಸುಣಗಿ,  ಬಸಪ್ಪ ಅಳಗವಾಡಿ, ರಾಜನಗೌಡ ಟೊಪಣ್ಣವರ, ನಿಲಪ್ಪ ಶಿದ್ದಕ್ಕನವರ, ಭಿಮಶಿ ಕೂಮಟೊಜಿ, ನಿಂಗಪ್ಪ ಗೋವಪ್ಪನವರ ಹಾಗೂ ಗ್ರಾಮಸ್ಥರು ಇದ್ದರು