ಕೊಪ್ಪಳ  22: ನಗರದ ಗವಿಸಿದ್ಧೇಶ್ವರ ಪದವಿ ಮಹಾವಿದ್ಯಾಲಯದಲ್ಲಿ ವಾಣಿಜ್ಯ ವಿಭಾಗದಿಂದ ಒಂದು ದಿನದ ರಾಜ್ಯಮಟ್ಟದ ಕಾನ್ಫಿರೆನ್ಸ್ನ್ನು ಆಯೋಜಿಸಲಾಗಿತ್ತು. ಈ ಕಾರ್ಯಕ್ರಮದ ಉದ್ಘಾಟಕರಾಗಿ ಆಗಮಿಸಿದ್ದ ಡಾ. ಎಸ್‌.ವಿ. ಡಾಣಿ, ಪ್ರಭಾರಿ ಕುಲಸಚಿವರು, ಕೊಪ್ಪಳ ವಿಶ್ವವಿದ್ಯಾಲಯ, ಕೊಪ್ಪಳ ಅವರು ಉದ್ಘಾಟಿಸಿದ ನಂತರ ಯುವಕರಿಗೆ ಕೌಶಲ್ಯ ತರಬೇತಿ ಮತ್ತು ಅಭಿವೃದ್ಧಿ ರೀತಿಯ ಕಾರ್ಯಕ್ರಮಗಳು ಹೆಚ್ಚಾಗಬೇಕು.  

               ಇದರಿಂದ ಯುವಜನತೆ ನೌಕರಿಗಳನ್ನು ಅರಸದೇ ತಮ್ಮದೇ ಸ್ವಂತ ವ್ಯವಹಾರದಲ್ಲಿ ತೊಡಗಿ ದೇಶದ ಅಭಿವೃದ್ಧಿಯಲ್ಲಿ ಭಾಗವಹಿಸಬೇಕು ಎಂದರು. ಮುಖ್ಯ ಅತಿಥಿಗಳಾಗಿ ಆಗಮಿಸಿದ್ದ ವಿಜಯನಗರ ಶ್ರೀ ಕೃಷ್ಣದೇವರಾಯ ವಿಶ್ವವಿದ್ಯಾಲಯದ ವಾಣಿಜ್ಯ ವಿಭಾಗದ ಪ್ರಾಧ್ಯಾಪಕರಾದ ಡಾ. ಸಿ.ಐ. ಛಲವಾದಿ ಅವರು ಮಾನವ ಪರಿವಾರವು ಸುರಕ್ಷಿತವಾಗಿ ಬದುಕಲು ಪರಿಸರ ಮತ್ತು ಸಮಾಜದ ರಕ್ಷೆಣೆಗೆ ವ್ಯಾಪಾರವು ಪೂರಕ ರೀತಿಯಲ್ಲಿ ಕಾರ್ಯನಿರ್ವಹಿಸಬೇಕು ಎಂದು ತಿಳಿಸಿದರು.

               ಈ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಮಹಾವಿದ್ಯಾಲಯದ ಪ್ರಾಚಾರ್ಯರಾದ ಡಾ. ಚನ್ನಬಸವ ವಹಿಸಿದ್ದರು. ಸ್ವಾಗತ ಮತ್ತು ಪ್ರಾಸ್ತಾವಿಕ ನುಡಿಗಳನ್ನು ಸಂಯೋಜಕರಾದ ಡಾ. ಕರಿಬಸವೇಶ್ವರ ನಿರ್ವಹಿಸಿದರು. ಪ್ರಾರ್ಥನೆಯನ್ನು ಕು. ಪ್ರಜ್ಞಾ ನೆರವೇರಿಸಿದರು. ಡಾ. ಜಾಲಿಹಾಳ ಶರಣಪ್ಪ ಅವರು ವಂದಿಸಿದರು. ಕಾರ್ಯಕ್ರಮದಲ್ಲಿ ಡಾ. ಶಶಿಕಾಂತ ಉಮ್ಮಾಪುರೆ, ಭೋಜರಾಜ, ಶರಣಪ್ಪ ಚೌವ್ಹಾಣ, ಮಲ್ಲೇಶಪ್ಪ, ವಸಂತಕುಮಾರ ಉಪಸ್ಥಿತರಿದ್ದರು.