ಸಂಬರಗಿ 18: ಸಾವಿನಲ್ಲೂ ಒಂದಾದ ಹಿರಿಯ ದಂಪತಿ. ಅಜುರೆ ಗ್ರಾಮದ ಯಲಗೊಂಡ ರಾಮಚಂದ್ರ ಸಾನೆ (67) ಮತ್ತು ಅವರ ಪತ್ನಿ ಮಹಾದೇವಿ ಯಲಗೊಂಡ ಸಾನೆ (57) ಇಬ್ಬರೂ ಒಂದೇ ಸಮಯದಲ್ಲಿ ನಿಧನ ಹೊಂದಿದ್ದಾರೆ ಮತ್ತು ಒಂದೇ ಚಿತೆಯ ಮೇಲೆ ಅಂತ್ಯಕ್ರಿಯೆ ಮಾಡಲಾಯಿತು.  

ಈ ಘಟನೆ ಗುರುವಾರ ಸಂಜೆ ಸಂಭವಿಸಿದೆ. ಗ್ರಾಮದಲ್ಲಿ ಪತಿ ಮತ್ತು ಪತ್ನಿ ಒಂದೇ ದಿನ ಸಾವನ್ನಪ್ಪಿದ ಮೊದಲ ಘಟನೆ ಇದು.ಕೊಲ್ಹಾಪುರದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಯಲಗೊಂಡ ರಾಮಚಂದ್ರ ಸಾನೆ ತಮ್ಮ ಮಗನ ಮನೆಗೆ ಬಂದು ವಿಶ್ರಾಂತಿ ಪಡೆಯುತ್ತಿದ್ದರು. ಅವರು ಆಕಸ್ಮಿಕ ನಿಧನರಾದರು. ಶವವನ್ನು ಅಂತ್ಯಕ್ರಿಯೆಗಾಗಿ ತಮ್ಮ ಸ್ಥಳೀಯ ಗ್ರಾಮವಾದ ಅಜುರೆ ರುದ್ರ ಭೂಮಿಗೆ ಅಂತ್ಯ ಸಂಸ್ಕಾರ ಮಾಡಲು ಹೋದಾಗ ಅವರ ಪತ್ನಿ ಮಹಾದೇವಿ ಸಾನೆ ಆಘಾತಕ್ಕೊಳಗಾಗಿ ಮನೆಯಲ್ಲಿಯೇ ಪ್ರಾಣ ತ್ಯಾಗ ಮಾಡಿದ್ದಾರೆ. ಪತಿ ಮತ್ತು ಪತ್ನಿಯ ಶವಗಳನ್ನು ಒಂದೇ ಚಿತೆಯ ಮೇಲೆ ಅಂತ್ಯಕ್ರಿಯೆ ಮಾಡಲಾಯಿತು. 

ಮೃತರಿಗೆ ಇಬ್ಬರು ಹೆಣ್ಣುಮಕ್ಕಳು ಮತ್ತು ಮೂವರು ಗಂಡು ಮಕ್ಕಳಿದ್ದಾರೆ. ಇಡೀ ಗ್ರಾಮವು ಶೋಕದಲ್ಲಿ ಮುಳುಗಿದ್ದು, ಗ್ರಾಮದಲ್ಲಿನ ಎಲ್ಲಾ ವ್ಯವಹಾರಗಳು ಮುಚ್ಚಲ್ಪಟ್ಟವು. ಗುರುವಾರ ಅಂತ್ಯಕ್ರಿಯೆಯ ನಂತರ, ೋಟೋಎಲ್ಗೊಂಡ ಸಾನೆಪತ್ನಿ ಮಹಾದೇವಿ ಸಾನೆ