ಪೊಲೀಸ ಠಾಣೆ ಪಕ್ಕದಲ್ಲಿ ಕಳ್ಳರ ಕೈ-ಚಳಕ 

ಕಾಗವಾಡ, 25 : ಪೋಲಿಸ್ ಠಾಣೆ ಪಕ್ಕದಲ್ಲಿಯೇ ಕೂಗಳತೆಯ ದೂರದಲ್ಲಿ ಮರಿಮಹಾರಾಜರ ಮಠದ ಹುಂಡಿಯನ್ನು ಕಳ್ಳರು ಕದ್ದಿರುವ ಘಟನೆ ಮಂಗಳವಾರ ದಿ. 14 ರಂದು ತಡರಾತ್ರಿ ಸಂಭವಿಸಿದೆ. 

ಪಟ್ಟಣದ ಚೆನ್ನಮ್ಮ ಸರ್ಕಲ್ ವೃತ್ತದಲ್ಲಿರುವ ಸದ್ಗುರು ಮರಿಮಹಾರಾಜರ ಮಠದಲ್ಲಿದ್ದ ಹುಂಡಿಗೆ ಕಣ್ಣ ಹಾಕಿದ ಖದೀಮರು, ಸಿಸಿಟಿವ್ಹಿ ಕ್ಯಾಮರಾ ಇದ್ದರೂ ಹಾರ್ಡಡಿಸ್ಕ್‌ ಸಹಿತ ಎತ್ತಿಕೊಂಡು ಹೋಗಿ ತಮ್ಮ ಕೈ ಚಳಕ ತೋರಿಸಿದ್ದಾರೆ. ಈ ಘಟನೆ ಕಾಗವಾಡ ಪೊಲೀಸ್‌ರಿಗೆ ಮೂಜುಗೂರಕ್ಕೆ ಕಾರಣವಾಗಿದೆ. 

ನಿನ್ನೆ ತಡ ರಾತ್ರೀ ನಡೆದ ಘಟನೆ ತಡವಾಗಿ ಬೆಳಕಿಗೆ ಬಂದಿದ್ದು, ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ, ಪರೀಶೀಲನೆ ನಡೆಸಿದ್ದು, ಸ್ವಾನ ದಳದಿಂದ ಕಾರ್ಯಾಚರಣೆ ಚುರುಕುಗೊಂಡಿದೆ. ಈ ಸಂಬಂಧ ಕಾಗವಾಡ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.