ಹಾವೇರಿ 16  : ತಾಲ್ಲೂಕಿನ  ಪಾರ್ವತಿ ಪರಮೇಶ್ವರ ವಿದ್ಯಾಸಂಸ್ಥೆ(ರಿ) ಕಳ್ಳಿಹಾಳ ಇವರ ಕಳ್ಳಿಹಾಳ ಗ್ರಾಮದಲ್ಲಿನ ಜ್ಞಾನದೀಪ ಆಂಗ್ಲ ಮಾಧ್ಯಮ ಪ್ರಾಥಮಿಕ ಮತ್ತು ಪ್ರೌಢ ಶಾಲೆಯ 15ನೇ ವಾರ್ಷಿಕ ಸ್ನೇಹ ಸಮ್ಮೇಳನ ಮತ್ತು 10 ನೇ ತರಗತಿ ವಿದ್ಯಾರ್ಥಿಗಳ ಬೀಳ್ಕೋಡುಗೆ ಸಮಾರಂಭ ದಿ,16 ಶುಕ್ರವಾರ ಜರುಗಲಿದೆ.ಬೆಳಿಗ್ಗೆ 9 ಘಂಟೆಗೆ ಸಂಸ್ಥೆಯ ಉಪಾಧ್ಯಕ್ಷರಾದ ವ್ಹಿ.ಸಿ.ಹಾವೇರಿಮಠ ಧ್ವಜಾರೋಹಣ ನೆರವೇರಿಸುವ ಮೂಲಕ ವಿವಿಧ ಕಾರ್ಯಕ್ರಮಗಳಿಗೆ ಚಾಲನೆ ನೀಡಲಿದ್ದಾರೆ. ನಂತರ ಶಾಲೆಯಲ್ಲಿ ಸರಸ್ವತಿ ಪೂಜಾ ಕಾರ್ಯಕ್ರಮ,ಮಕ್ಕಳ ಸಂತೆ,ಕರಕುಶಲ ಕಲೆಗಳ ಪ್ರದರ್ಶನ ಮತ್ತು ತಾಯಂದಿರ ಪಾದಪೂಜೆ ಜರುಗುವುದು. 

ಸಂಜೆ 5 ಘಂಟೆಗೆ ವೇದಿಕೆ ಕಾರ್ಯಕ್ರಮದಲ್ಲಿ  ಹುಕ್ಕೇರಿಮಠದ  ಮ.ನಿ.ಪ್ರ.ಸದಾಶಿವ ಮಹಾಸ್ವಾಮಿಗಳು ಸಾನಿಧ್ಯವಹಿಸುವರು.ಸಂಸ್ಥೆಯ ಅಧ್ಯಕ್ಷರು ಹಾಗೂ ಜಿಲ್ಲಾ ಮಟ್ಟದ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರ ಸಮಿತಿ ಅಧ್ಯಕ್ಷರಾದ ಎಂ.ಎಂ. ಹಿರೇಮಠ ಅವರು ಅಧ್ಯಕ್ಷತೆವಹಿಸುವರು.ವಿಧಾನಸಭಾ ಉಪಸಭಾಧ್ಯಕ್ಷರಾದ ರುದ್ರ​‍್ಪ ಲಮಾಣಿ ಅವರು ಕಾರ್ಯಕ್ರಮ ಉದ್ಘಾಟಿಸುವರು.ಮುಖ್ಯ ಅತಿಥಿಗಳಾಗಿ ಸಂಸ್ಥೆಯ ಉಪಾಧ್ಯಕ್ಷರಾದ ವ್ಹಿ.ಸಿ,ಹಾವೇರಿಮಠ,ಕಾರ್ಯದರ್ಶಿಗಳಾದ ಸಿ.ಹೆಚ್‌.ಹಿರೇಮಠ,ಶಾಲಾ ಶಿಕ್ಷಣ ಇಲಾಖೆಯ ಉಪನಿರ್ದೇಶಕರಾದ ಮೋಹನ ದಂಡಿನ,ಕ್ಷೇತ್ರ ಶಿಕ್ಷಣಾಧಿಕಾರಿಗಳಾದ ಎಮ್‌.ಹೆಚ್‌.ಪಾಟೀಲ,ಸಂಸ್ಥೆಯ ಸದಸ್ಯರಾದ ಆನಂದಗೌಡ ಪಾಟೀಲ,ಪ್ರಾ.ಸ.ಕೃ.ಗ್ರಾ.ಅ.ಬ್ಯಾಂಕ ಅಧ್ಯಕ್ಷರಾದ ಗುರುನಾಥಯ್ಯ ಮಲ್ಲೂರಮಠ,ಅನೇಕ ಗಣ್ಯರು ಅತಿಥಿಗಳಾಗಿ ಆಗಮಿಸಲಿದ್ದಾರೆ ಹಾಗೂ ಸಂಸ್ಥೆಯ ಸದಸ್ಯರು, ಗಣ್ಯರು,ಇನ್ನಿತರ ಜನಪ್ರತಿನಿಧಿಗಳು, 

ಶಾಲೆಯ ಗುರು ಬಳಗ ಹಾಗೂ ವಿದ್ಯಾರ್ಥಿ ಬಳಗದವರು ಭಾಗವಹಿಸಲಿದ್ದಾರೆ.ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಸಾಧಕರಿಗೆ ಗೌರವಿಸಿ ಸನ್ಮಾನಿಸಲಾಗುವುದು.ನಂತರ ಜ್ಞಾನದೀಪದಲ್ಲಿ ಜ್ಞಾನೋತ್ಸವ ಮಕ್ಕಳ ಸಂಸ್ಕೃತಿಕ ಕಾರ್ಯಕ್ರಮಗಳ ಜರುಗುವುದು.ಈ ಎಲ್ಲಾ ಕಾರ್ಯಕ್ರಮಗಳಿಗೆ ಶಾಲಾ ಪಾಲಕ-ಪೋಷಕರು,ಶಿಕ್ಷಣ ಪ್ರೇಮಿಗಳು,ಕಳ್ಳಿಹಾಳ ಮತ್ತು ಸುತ್ತಮುತ್ತಲಿನ ಗ್ರಾಮಗಳ ಗ್ರಾಮಸ್ಥರು ಪಾಲ್ಗೊಂಡು ಕಾರ್ಯಕ್ರಮ ಯಶಸ್ವಿಗೊಳಿಸಬೇಕೆಂದು ಸಂಸ್ಥೆಯ ಅಧ್ಯಕ್ಷರು ಹಾಗೂ ಜಿಲ್ಲಾ ಮಟ್ಟದ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರ ಸಮಿತಿ ಅಧ್ಯಕ್ಷರಾದ ಎಂ.ಎಂ.ಹಿರೇಮಠ ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.