ಬಾಲಕರ ವಸತಿ ನಿಲಯಕ್ಕೆ ಭೇಟಿ ನೀಡಿದ ಡಾ.ಭೀಮಾಶಂಕರ ಕನ್ನೂರ 

ಇಂಡಿ 16: ನಗರದ ಸರ್ಕಾರಿ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯಕ್ಕೆ ಇಂಡಿ ತಾಲೂಕು ಪಂಚಾಯಿತಿ ಕಾರ್ಯನಿರ್ವಾಹಕ ಅಧಿಕಾರಿ ಡಾ. ಭೀಮಾಶಂಕರ ಕನ್ನೂರ ಭೇಟಿ ನೀಡಿ ಮಕ್ಕಳ ಸಮಸ್ಯೆಗಳನ್ನು ಆಲಿಸಿದರು.  

ಅಲ್ಲಿ ವಿದ್ಯಾರ್ಥಿಗಳಿಗೆ ನೀಡಲಾಗುತ್ತಿರುವ ಆಹಾರ ಸಾಮಗ್ರಿಗಳ ಗುಣಮಟ್ಟ ಮತ್ತು ಅಡುಗೆ ಕೋಣೆ, ವಿದ್ಯಾರ್ಥಿಗಳ ವಿದ್ಯಾಭ್ಯಾಸದ ಸ್ಥಿತಿ-ಗತಿ , ವಸತಿ ನಿಲಯದ ಒಳಾಂಗಣ ಮತ್ತು ಹೊರಾಂಗಣ ಸ್ವಚ್ಛತೆ,  ಶೌಚಾಲಯಗಳ ಸ್ವಚ್ಛತೆ, ಹಾಗೂ ಆಟೋಪಕರಣಗಳ ಬಳಕೆ ಮತ್ತು ಕಾರ್ಯಚಟುವಟಿಕೆಗಳನ್ನು ಪರೀಶೀಲಿಸಿದರು. ವಸತಿ ನಿಲಯದ ಅಡುಗೆ ಕೋಣೆಯಲ್ಲಿ ಸ್ವಚ್ಛತೆ ಕಾಪಾಡಿಕೊಳ್ಳಲು ಹಾಗೂ ದಿನನಿತ್ಯ ಅಡುಗೆಗೆ ಬಳಸುವ ದವಸ ಧಾನ್ಯಗಳನ್ನು ಹಾಗೂ ತರಕಾರಿಗಳನ್ನು  ಪರೀಶೀಲಿಸಿ ತದನಂತರ ಅಡುಗೆ ಕಾರ್ಯ ಮುಂದುವರೆಸಬೇಕು. ವಸತಿ ನಿಲಯದಲ್ಲಿ ಪ್ರಥಮ ಚಿಕಿತ್ಸೆ ಪೆಟ್ಟಿಗೆ ಇಲ್ಲದ ಕಂಡು  ವಸತಿ ನಿಲಯ ನಿಲಯಪಾಲಕನಿಗೆ ತರಾಟೆಗೆ ತೆಗೆದುಕೊಂಡು ವಸತಿ ನಿಲಯದಲ್ಲಿ ಖಡ್ಡಾಯವಾಗಿ ಪ್ರಥಮ ಚಿಕಿತ್ಸೆ ಪೆಟ್ಟಿಗೆ ಇಡುವಂತೆ ಹಾಗೂ ವಿದ್ಯಾರ್ಥಿಗಳಿಗೆ ಅನಾರೋಗ್ಯ ಸ್ಥಿತಿಯಲ್ಲಿ ಇದ್ದರೇ ವಿದ್ಯಾರ್ಥಿಗಳನ್ನು ಹಾಸ್ಪಿಟಲ್‌ಗೆ ಕರೆದುಕೊಂಡು ಹೋಗಿ ಚಿಕಿತ್ಸೆ ಮಾಡಿಸುವ ಸಂಪೂರ್ಣ ಜವಾಬ್ದಾರಿ ನಿಮದು ಆಗಿರುತ್ತದೆ. ಅಥವಾ  ಅಂಬುಲೆನ್ಸ್‌ ಗೆ ಕರೆ ಮಾಡಿ ಚಿಕಿತ್ಸೆ ಪಡೆಸುವ ಕಾರ್ಯ ಮಾಡಬೇಕು ಎಂದು ಕಟ್ಟು ನಿಟ್ಟಾಗಿ ಸೂಚಿಸಿದರು. ವಸತಿ ನಿಲಯದ ಮುಂಭಾಗದಲ್ಲಿ ವಿದ್ಯುತ್ಯ ಬಲ್ಪ ಅಳವಡಿಸಲು ಹಾಗೂ ವಸತಿ ನಿಲಯಕ್ಕೆ  ಇಂಟರ್ನೆಟ್ ಸೌಲ್ಯಭ್ಯ ಇದ್ದು ಅದನ್ನು ಒಃಕಖ ಹೆಚ್ಚಿಸಲು  ಸೂಚಿಸಿದರು. ಹಾಗೂ ವಿದ್ಯಾರ್ಥಿಗಳ ವಿದ್ಯಾಭ್ಯಾಸಕ್ಕೆ  ಸರ್ಕಾರದ ನಿಯಮಗಳಂತೆ  ಸಕಲ ಸೌಕರ್ಯ ಒದಗಿಸಿ ಅವರ ಬಾಳಿಗೆ ದಾರೀದೀಪವಾಗುವ ಉತ್ತಮ ನಿಲಯ ಪಾಲಕನಾಗಬೇಕೆಂದು ತಿಳಿಸಿದರು. 

ವಸತಿ ನಿಲಯದಲ್ಲಿ ನೂತನ ಗ್ರಂಥಾಲಯ ಕಟ್ಟಡವಿದ್ದು ಅದಕ್ಕೆ ವ್ಯವಸ್ಥಿತ ವಿದ್ಯುತ್ ಸಂಪರ್ಕ ಕಲ್ಪಿಸಿ  ಸಪ್ಟಂಬರ್ 27- 2025  ರಂದು ಪ್ರಾರಂಭಿಸಿ  ವಿದ್ಯಾರ್ಥಿಗಳಿಗೆ ಅನುಕೂಲ ಮಾಡಿಕೊಡಲು ತಾಲೂಕ ಹಿಂದುಳಿದ ವರ್ಗಗಳ ಕಲ್ಯಾಣ ಅಧಿಕಾರಿಗಳಾದ ಎಸ್ ಆರ್ ಗದ್ಯಾಳ ರವರಿಗೆ ನಿರ್ದೇಶನ ನೀಡಿದರು.  

ಈ ಸಮಯದಲ್ಲಿ ಸರ್ಕಾರಿ ಮೆಟ್ರಿಕ್ ನಂತರದ ಬಾಲಕರ ವಸತಿ ನಿಲಯದ ವಿದ್ಯಾರ್ಥಿಗಳು, ವಸತಿ ನಿಲಯ ಪಾಲಕರು  ಹಾಗೂ  ಸಿಬ್ಬಂದಿಗಳು ಇದ್ದರು.