ಆಲಮಟ್ಟಿ  22: ರಾಜ್ಯದ 42,000 ಸರ್ಕಾರಿ ಶಾಲೆಗಳ ಸುಮಾರು 1,58,000 ಶಿಕ್ಷಕರನ್ನು ಪ್ರತಿನಿಧಿಸುವ, 55 ವರ್ಷಗಳ ಸುಧೀರ್ಘ ಇತಿಹಾಸ ಹೊಂದಿರುವ ‘ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘ’ಕ್ಕೆ ಐದು ವರ್ಷಕ್ಕೊಮ್ಮೆ ನಡೆಯುವ ಸಾರ್ವತ್ರಿಕ ಚುನಾವಣೆಯಲ್ಲಿ ಈ ಭಾಗದ ಕೃಷ್ಣಾ ತೀರದ ಹೋರಾಟಗಾರ, ಶಿಕ್ಷಕ ಸಮೂಹದ ಸ್ನೇಹಿ, ಶೈಕ್ಷಣಿಕ ಸಮಸ್ಯೆಗಳ ಪರಿಹಾರಕ್ಕೆ ಹಗಲಿರುಳು ಸ್ಪಂದಿಸುವ ನವ ಚೇತಕ ಆಲಮಟ್ಟಿಯ ಚಂದ್ರಶೇಖರ ನುಗ್ಗಲಿ ಅವರು ಸತತ ಎರಡನೇ ಬಾರಿಗೆ ರಾಜ್ಯಾಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.      ಶಿಕ್ಷಕ ವೃಂದದ ಕಣ್ಮನಿಯಾಗಿ ಮಿನುಗಿರುವ ಯುವ ನಾಯಕ ಚಂದ್ರಶೇಖರ ನುಗ್ಗಲಿ ಅವರು ಹೋರಾಟದ ಹಾದಿಯಲ್ಲೇ ಬೆಳೆದು ಬಂದಿದ್ದಾರೆ. ಅವರ ಅವಿರತ ಹೋರಾಟದ ಯಶೋಗಾಥೆ ನಿಜಕ್ಕೂ ವೀರೋಚಿತವಾಗಿದೆ. ಕೃಷ್ಣೆ ತಟದ ಈ ಜೀವಕ್ಕೆ ಪುನಃ ಇದೀಗ ರಾಜ್ಯಾಧ್ಯಕ್ಷರ ಪಟ್ಟದ ಗರಿಮೆ,ಗರಿಮೆ ಲಭಿಸಿದೆ.     

 ಶಿಕ್ಷಕರ ಸೇವೆಗಾಗಿಯೇ 24ಥ7 ಸದಾ ಮೀಸಲಾಗಿರುವ ಚಂದ್ರಶೇಖರ ನುಗ್ಗಲಿ ಅವರು ರಾಜ್ಯದ ಸಮಸ್ತ ಪ್ರಾಥಮಿಕ ಶಾಲಾ ಗುರುಭ್ಯೋ ಸಮಸ್ಯೆಗಳಿಗೆ ಸ್ಪಂದಿಸಿ ಪರಿಹಾರ ಕಂಡುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದಾರೆ. ಗುರು ಬಳಗಕ್ಕಾಗಿಯೇ ಜೀವ ಸವೆದಿದ್ದಾರೆ. ಆ ಫಲದ ಪರಿಣಾಮ ಅವರು ಎರಡನೇ ಬಾರಿಗೆ ರಾಜ್ಯಾಧ್ಯಕ್ಷರ ಹುದ್ದೆ ಅಲಂಕರಿಸುವ ಸುಯೋಗ ಒದಗಿದೆ. ಅದು ಕೂಡಾ ಅವಿರೋಧವಾಗಿ ಆಯ್ಕೆಯಾಗಿದ್ದು ವಿಶೇಷ. ರಾಜ್ಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘಕ್ಕೆ ರಾಜ್ಯಾಧ್ಯಕ್ಷರಾಗಿ ಪುನರಾಯ್ಕೆಗೊಂಡ ಹಿನ್ನೆಲೆಯಲ್ಲಿ ಆಲಮಟ್ಟಿ ಸೇರಿದಂತೆ ಜಿಲ್ಲೆಯ ಪ್ರಾಥಮಿಕ ಶಾಲಾ ಶಿಕ್ಷಕರ ಸಮೂಹದಲ್ಲಿ ಹಾಗೂ ಅಪಾರ ಅಭಿಮಾನಿಗಳಲ್ಲಿ ಖುಷಿಯೋಲ್ಲಾಸದ ಸಂಭ್ರಮ ಕಳೆಗಟ್ಟಿದೆ. ಕೃಷ್ಣೆಯ ಸೆರಗಿನಲ್ಲೇ ಹುಟ್ಟಿ ಬೆಳೆದಿರುವ ಚಂದ್ರಶೇಖರ ನುಗ್ಗಲಿ ಶಿಕ್ಷಕರ ಸಂಘಟನೆ ಇನ್ನಷ್ಟು ಬಲಪಡಿಸುವ ನಿಟ್ಟಿನಲ್ಲಿ ಕಾಯೋ9ನ್ಮುಖರಾಗಿ ಹೆಜ್ಜೆ ಇರಿಸಲ್ಲಿದ್ದಾರೆ. ಎಲ್ಲರ ಪ್ರೀತಿ, ವಿಶ್ವಾಸ, ಆದರದೊಂದಿಗೆ ಬೆರೆತು ನಡೆಯುವುದರಿಂದಲೇ ಇವರನ್ನು "ಚಂದ್ರು" ಅಂತ ಅಕ್ಕರೆಯಿಂದ ಶಿಕ್ಷಕ ಬಳಗ ಕರೆಯುವುದುಂಟು.   ಚುನಾವಣಾ ಫೋಕಸ್ ;  ಕಳೆದ ಎರಡು ತಿಂಗಳುಗಳಿಂದ ಎರಡು ಹಂತಗಳಲ್ಲಿ ಈ ಚುನಾವಣಾ ಪ್ರಕ್ರಿಯೆ ಯಶಸ್ವಿಯಾಗಿ ಜರುಗಿದೆ.