ದೇವರಹಿಪ್ಪರಗಿ 21: ಸಮಾಜದಲ್ಲಿ ಶಾಂತಿ, ಸೌಹಾರ್ದತೆ ಹಾಗೂ ಏಕತೆಯನ್ನು ಕಾಪಾಡುವ ನಿಟ್ಟಿನಲ್ಲಿ ಯುವಕರಲ್ಲಿ ಭಯೋತ್ಪಾದನೆ ಹಾಗೂ ಹಿಂಸಾಚಾರದ ದುಷ್ಪರಿಣಾಮಗಳ ಬಗ್ಗೆ ಜಾಗೃತಿ ಮೂಡಿಸಬೇಕಾಗಿದೆ ಎಂದು ತಹಶೀಲದಾರ ನಿಂಗಣ್ಣ ಬಿರಾದಾರ ಹೇಳಿದರು.ಪಟ್ಟಣದ ತಹಶೀಲದಾರರ ಕಚೇರಿಯಲ್ಲಿ ನಡೆದ ಭಯೋತ್ಪಾದನೆ ವಿರೋಧಿ ದಿನದ ಪ್ರತಿಜ್ಞಾವಿಧಿ ಬೋಧನಾ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅವರು ಮಾತನಾಡಿದರು. ಶಿರಸ್ತೇದಾರರಾದ ಸುರೇಶ ಮ್ಯಾಗೇರಿಯವರು ಕಚೇರಿಯ ಎಲ್ಲ ಸಿಬ್ಬಂದಿ ವರ್ಗದವರಿಗೆ ಭಯೋತ್ಪಾದನಾ ವಿರೋಧಿ ದಿನದ ಪ್ರತಿಜ್ಞಾವಿಧಿಯನ್ನು ಬೋಧಿಸಿದರು.

ಹಾಗೂ ಇದೇ ದಿನ ಭಯೋತ್ಪಾದಕರ ದಾಳಿಗೆ 1991 ರಲ್ಲಿ ಬಲಿಯಾದ ಮಾಜಿ ಪ್ರಧಾನಿ ರಾಜೀವಗಾಂಧಿಯವರನ್ನು ಸ್ಮರಿಸಿದರು. ಇದೇ ಸಂದರ್ಭದಲ್ಲಿ ಉಪತಹಶೀಲದಾರ ಗಿರಿಜಾಬಾಯಿ ಸಜ್ಜನ,ಶಿರಸ್ತೇದಾರ ಡಿ.ಬಿ. ಭೋವಿ, ಶಿಲ್ಪಾ ಶಿಂಪಿ, ಅಮೋಘಸಿದ್ದ ದಳವಾಯಿ, ಜಿ.ಪಿ.ಬಿರಾದಾರ, ಕುಮಾರ ಅವರಾದಿ,ವಿಟ್ಠಲ ವಾಲೀಕಾರ, ಚನಬಸು ಹೊಸಮನಿ, ಅಬುಲ ಕಲಾಮ ಮೋಮಿನ, ವಿಜಯಲಕ್ಷ್ಮಿ ಗಂಗಶೆಟ್ಟಿ  ರಾಜು ಕಂಠಿ, ನಾಗೇಶ ದೊಡಮನಿ ಹಾಗೂ ಇತರರು ಹಾಜರ ಇದ್ದರು.