ಲೋಕದರ್ಶನ ವರದಿ 

ಧಾರವಾಡ 24 : ವಿದ್ಯಾರ್ಥಿ ಆದಿತ್ಯ ಮ್ಯಾಗೇರಿ ಪೊಲೀಸರ ಕಿರುಕುಳದಿಂದ ಆತ್ಮಹತ್ಯೆಗೆ ಶರಣಾಗಿದ್ದ ಪ್ರಕರಣಕ್ಕೆ ಮೂರು ಪೊಲೀಸ್ ಸಿಬ್ಬಂದಿ ಇನ್ಸ್ಪೆಕ್ಟರ್ ಅನ್ನು ಸಸ್ಪೆಂಡ್ ಮಾಡಿ ಕೈ ತೊಳೆದುಕೊಂಡಿದ್ದನ್ನು ಖಂಡಿಸಿ ಸಸ್ಪೆಂಡ್ ಮಾಡಿದರೆ ಸಾಲದು ಎಂದು ಅವರ ಮೇಲೆ ಎಫ್‌ಐಆರ್ ಮಾಡಿ ನಿವೃತ್ತ ಹೈ ಕೋರ್ಟ್‌ ನ್ಯಾಯಾಧೀಶರಿಂದ ತನಿಖೆ ಮಾಡಲು ಸರ್ಕಾರಕ್ಕೆ ಜಿಲ್ಲಾಧಿಕಾರಿ ಮುಖಾಂತರ ಮನವಿ ಸಲ್ಲಿಸಿ ಒತ್ತಾಯಿಸಲಾಗಿತ್ತು. ಆದರೆ ಇವತ್ತಿನವರೆಗೂ ಯಾವುದೇ ಪ್ರಕ್ರಿಯ ಬರದ ಕಾರಣ ಧಾರವಾಡದ ಲಿಂಗಾಯತ ಭವನದಲ್ಲಿ ಮುಖಂಡಸಭೆಯಲ್ಲಿ ಮರಣ ಹೊಂದಿದ ಆದಿತ್ಯ ಮ್ಯಾಗೇರಿಗೆ ನ್ಯಾಯ ಸಿಗಬೇಕು.

ಅವರ ಕುಟುಂಬಕ್ಕೆ ಸೂಕ್ತ ಪರಿಹಾರ ಕೊಡಬೇಕು ತಪ್ಪಿಸ್ಥರಿಗೆ ಕಾನೂನು ಪ್ರಕಾರ ಶಿಕ್ಷೆ ಆಗಬೇಕೆಂದು ಮುಂದೆ ಯಾವುದೇ ವಿದ್ಯಾರ್ಥಿಗೆ ಇಂತಹ ಘಟನೆ ಆಗಬಾರದೆಂದು ಸಮಾಜದಲ್ಲಿ ಅನ್ಯಾಯಕ್ಕೆ ಒಳಗಾದವರ ಹಿತ ಕಾಪಾಡಲು ವೀರಶೈವ ಲಿಂಗಾಯತ ರಕ್ಷಣಾ ಸಮಿತಿ ರಚನೆ ಸಲುವಾಗಿ ಸಭೆಯಲ್ಲಿ ಚರ್ಚಿಸಲಾಯಿತು. ಮುಂದಿನ ದಿನದಲ್ಲಿ ಸೂಕ್ತ ನ್ಯಾಯ ಸಿಗದೇ ಹೋದರೆ ನ್ಯಾಯಾಲಯದಲ್ಲಿ ಖಾಸಗಿ ಪ್ರಕರಣವನ್ನು ದಾಖಲು ಮಾಡಲು ಚಿಂತಿಸಲಾಯಿತು.  

ಈ ಸಂದರ್ಭದಲ್ಲಿ ವೀರಶೈವ ಮಹಾಸಭಾದ ಪ್ರಧಾನ ಕಾರ್ಯದರ್ಶಿಯಾದ ಶಿವಶರಣ ಕಲಬಶೆಟ್ಟರ್ ಕೋಶಾಧ್ಯಕ್ಷರಾದ ಮಡಿವಾಳಪ್ಪ ಸಿರಿಯನ್ನವರ್ ನಿರ್ದೇಶಕರಾದ ವೀರೇಶ್ ಕೆಲಗೇರಿ ಮಂಜುನಾಥ್ ಮೂಗನವರ್ ಮಹಿಳಾ ಮುಖಂಡರಾದ ವಿಜಯಲಕ್ಷ್ಮಿ ಕಲ್ಯಾಣ್ ಶೆಟ್ಟರ್ ಡಾಕ್ಟರ್ ಎಸ್‌.ಎಲ್ ಬಿರಾದಾರ ಆದಿ ಬಣಜಿಗ ಸಂಘದ ಕಾರ್ಯದರ್ಶಿಯಾದ ನಿರಂಜನ್ ಸುಭಾಷ್ ಕ್ವಾಟಿ ಮುಖಂಡರುಗಳಾದ ವೀರಯ್ಯ ಚಿಕ್ಕಮಠ ಶ್ರೀಶೈಲ್ ಗೌಡ  ಕಮತರ ವಿವೇಕಾನಂದ ಗುಡ್ಡದ ಅರುಣ ಅಮರಗೋಳ ಮಹಾಂತೇಶ್ ಕರಿಕಾಯ ರಾಮನಗೌಡ ಕಿತ್ತೂರ  ಎಂ. ಆರ್ ಮರ್ತಮ್ಮ ನವರ ಮಂಜುನಾಥ್ ಸಂಕನವರ ನಾಗನಗೌಡ ಪಾಟೀಲ್ ಸಿದ್ದಲಿಂಗಯ್ಯ ಗುಡ್ಡದಮಠ ಮಲ್ಲಿಕಾರ್ಜುನ್ ಮಠಪತಿ ಆದಿತ್ಯ ಮ್ಯಾಗೇರಿ ಕುಟುಂಬಸ್ಥರು ಇನ್ನಿತರ  ಉಪಸ್ಥಿತರಿದ್ದರು.